Ernamuina erraietatik sortutako poema bat da. Poemaren letrak larritasun emozionala erakusten du, eta musika oso modu naturalean batzen zaie. Biek elkarrekin bat egiten dute, elkarri eragiten diote, elkarrekin eboluzionatzen dute eta Hamar izeneko besarkada batean uztartzen dira. Izan ere, Hamar du izena Lur Merino diseinatzailearen eta Raúl Lomas musikariaren proiektu berriak, eta emozioak piztea helburu duen “performance” interaktibo bat da.
