Bere sorkuntza-faseko une honetan, oinekin eta zapatilekin finkapen berezia dauka, baina benetan motibatzen duena eguneroko bizipenak dira. Esperientziak eskuratzea eta irudiak gordetzea gustatzen zaio joaten den tokietan. Adibide moduan Azkoitian edo Miamin egindako azken muralgileen topaketetan. Udane Juaristi “Udatxo”-ren lan filosofiak motibazio honi erantzuten dio eta oraingoz funtzionatzen du. Diziplina anitzeko artista hau muralak egiten espezializatuta dago eta Sinadurak.eus proiektuan bere obran sakondu nahi izan dugu.
